चोरीच्या उद्देशाने चौकीदाराचा खुन करणारे आरोपी अखेर जेरबंद The accused who murdered the watchman for the purpose of theft was finally jailed

चोरीच्या उद्देशाने चौकीदाराचा खुन करणारे आरोपी अखेर जेरबंद The accused who murdered the watchman for the purpose of theft was finally jailed

वणी पोलीस स्टेशनची कारवाई

पोलीस स्टेशन वणी जि. यवतमाळ येथे दिनांक 29/04/2024 रोजी फिर्यादी नामे सुरेश मोतीलालजी खिवनसरा वय ६३ वर्ष व्यवसाय बिल्डींग मटेरियल सप्लायर्स रा. रविनगर वणी ता.वणी जि.यवतमाळ यांनी जबानी रिपोर्ट दिला की, दिनांक २८/०४/२०२४ चे सांयकाळी ०६/०० वा. ते दिनांक २९/०४/२०२४ चे सकाळी ०८/१५ वा.चे सुमारास त्यांचे मालकीचे योगेश ट्रेडर्स या नावाने सिमेंट, स्टिलचे गोडावूनमध्ये कोणीतरी अज्ञात आरोपीने चोरी करण्याचे उद्देशाने येवून लोखंडी सळाखीचे चार बंडल वजन अं.२४० किलो किं. अं.१४०००/- रुपयांचा चोरुन नेले व गोडावुनवर चौकीदार म्हणून काम करीत असलेले जिवन विठ्ठल झाडे वय अं.६० वर्ष रा. आष्टोणा ता. राळेगांव पो.स्टे. वडकी यास डोक्यावर व उजव्या खांद्यावर कुठल्यातरी हत्याराने जबर मारहाण करुन जिवानिशी ठार मारले अशा फि.चे जबानी रिपोर्ट वरुन पो.स्टे.वणी येथे अपराच क्रमांक ४३२/२०२४ कलम ३०२,३९४ भादंवि प्रमाणे गुन्हा नोंद करुन तपासावर घेण्यात आला होता. The accused who murdered the watchman for the purpose of theft was finally jailed

प्रकरणाचे घटनास्थळी अज्ञात आरोर्पातांनी कोणताही पुरावा सोडलेला नव्हता तसेच घटनास्थळ हे रोडपासून अं.१०० मिटर अंतरावरील व मोकळी जागा असलेले असल्याने, तसेच सदर परिसरात लावण्यात आलेले CCTV कैमेरे सुध्दा बंद अवस्थेत असल्याने गुन्हयाचे तपासकामी कोणताही ठोस पुरावा उपलब्ध झालेला नव्हता, त्यामुळे गुन्हा उघडकीस आणण्याचे मोठे आव्हान पोलीसांसमोर होते. त्याकरीता पोलीस अधिक्षक , यवतमाळ यांनी सदरचा गुन्हा उघडकीस आणण्याकरीता दिशा निर्देश दिले होते त्या अनुषंगाने उपविभागीय पोलीस अधिकारी वणी हे स्वतः प्रकरणाचे तपासावर बारकाईने लक्ष ठेवुन होते तसेच अणेदार पो. स्टे वणी यांनी गुन्हा उघडकीस आणण्याकरीता ०५ विशेष पथके तयार केली होती सर्व पथकांनी घटनास्थळ ते मारेगांव, नांदपेरा रोड, मुकुटबन रोड, आम पळसोनी तसेच वरोरा, घुग्घुस, शिरपुर, यवतमाळ वा रोडवरील जवळपास १०० पेक्षा अधिक CCTV फुटेज प्राप्त करुन त्याची सविस्तर बारकाईने पाहणी केलो असता काही CCTV फुटेज मध्ये घटनेवेळी एक मालवाहू वाहन संशयीतरित्या फिरत आढळून आले. व सदर वाहनातील व्यक्तींची हालचाल सुध्दा संशयास्पद असल्याचे दिसून आल्याने नमुद संशयीत वाहनाचा शोध घेत असतांना दिनांक १४/०५/२०२४ रोजी सदरचे वाहन वणी परिसरामध्ये आढळुन आले. नमुद वाहन व CCTV फुटेज मधील वाहनाचे मिळते जुळते असल्याचे व तेच गुन्हयातील वाहन असल्याचे व ते टाटा कंपनीचे इन्ट्रा वाहन क्रमांक MH 37 T 2856 हे असल्याचे निष्पन्न झाल्याने वाहनावरील चालकास सविस्तर विचारपुस केली असता त्याने सदरचे वाहन नामे रज्जाक शाह रमजान शहा वय ४५ वर्ष रा. नुरनगर, कारंजा लाड जि. वाशीम याचे मालकीचे असल्याचे सांगीतले वरुन प्रकरणाचे पुढील तपासकामी उपविभागीय पोलीस अधिकारी वणी यांनी स्वतः सदर ठिकाणी जावून तपास केला असता असता नमुद घटनेवेळी सदर वाहनावर चालक म्हणून १) अजीम शहा रमजान शहा वय ३५ वर्ष रा. नुरनगर, कलंदरी मस्जीद जवळ, कारंजा लाड ता. कारंजा जि. वाशीम, तसेच मदतनीस २) मोहमद उमर अब्दुल गणी वय ३६ वर्ष रा.वेवी सातपुरा, जुना सरकारी दवाखाना जवळ कारंजा लाड ता. कारंजा जि. वाशीम तसेच ३) वि.स. बालक हे वगी परिसरात सदरचे वाहन घेवुन आल्याचे निष्पन्न झाल्याने नमुद इसमांना व विधी संघर्ष ग्रस्त बालकास अधिनस्त पथकाचे मदतीने ताब्यात घेवुन त्यांना सदर गुन्हयाचे अनुषंगाने सविस्तर विचारपुस केली असता त्यांनी कबुल दिली की, आरोपी क्रमांक १- अज्जु उर्फ अजीम शहा रमजान शहा याचा भंगार व जुने टायर खरेदी विक्री करण्याचा व्यवसाय असल्याने ते दिनांक २८/०४/२०२४ रोजी नमूद साथीदारांसह वणी मध्य आले होते. त्यांनी पळसोनी फाट्यावरील गोडावूनची सविस्तर पाहणी केली तेव्हा त्यांना सदर ठिकाणी मोठ्या प्रमाणात लोखंडी सलाखी ठेवून असल्याचे व त्या ठिकाणी एकाच वृध्द इसम चौकीदार असल्याचे दिसून आले. करीता त्यांनी पाहणी करुन लालपुलोया परिसरात गेले, सदर ठिकाणा वरुन त्यांनी रोडवरील दुकाना समोरुन जुन्या टायरची चोरी केली व परत सदरच्या घटनास्थळी आले व तिथे येवून त्यांनी लोखंडी सलाखोंची चोरी केली व त्या दरम्यान सदर ठिकाणावरील चौकीदार याला आरोपीत इसम हे चोरी करीत असल्याचे दिसुन आल्याने व चौकीदारांनी त्यांना विरोध दर्शविल्याने नमुद आरोपीतांनी चौकीदाराचे डोक्यावर व बरगडीवर लोखंडी रॉडने वार करुन जागीच ठार केले, व घटनास्थळावरुन पळुन गेले. यातील आरोपी अज्जु उर्फ अजीम शहा रमजान शहा वाचे विरुध्द पो.स्टे. कारंजा येथे गैरकायदयाची मंडळी जमवुन खुनाचा प्रयत्न, अश्लील शिवीगाळ, शासकीय कामात अडथळा, जिवे मारण्याची धमकी देणे असे तिन तर नागपुर येथे कलम १२२ म.पो.का अन्वये एक गुन्हा नोंद आहे.


सदरची कार्यवाही डॉ. पवन बनसोड पोलीस अधिक्षक यवतमाळ, पियुष जगताप अपर पोलीस अधिक्षक यवतमाळ, यांचे मार्गदर्शनात गणेश किंद्रे उपविभागीय पोलीस अधिकारी वणी, पोलीस निरीक्षक/अनिल बेहेरानी, सपोनि दत्ता पेंडकर, पोउपनि बलराम झाडोकार, धिरज गुल्हाणे, सुदाम आसोरे, अश्विनी रायबोले, रामेश्वर कांडुरे, पोहेकॉ सुहास मंदावार, विकास धडसे, विजय वानखडे, सुधीर पांडे, योगेश डगवार, पोना पंकज उंबरकर, अमोल अन्नेरवार, अविनाश बानकर, निलेश निमकर, पोकॉ शाम राठोड, विशाल गेडाम, मोहमंद वसीम, रितेश भोयर, अमोल नुन्नेलवार, संतोष कालवेलवार, अतुल पायघन, अशोक दरेकर सर्व पोलीस स्टेशन वणी यांनी केली आहे.