ठाकरेंच्या शिवसेनेने अडवला मंत्री अशोक उईकेचा ताफा

 ठाकरेंच्या शिवसेनेने अडवला मंत्री अशोक उईकेचा ताफा

शेतकऱ्यांसाठी सरसावली ठाकरे सेना.

वणी:-  राज्यात अतिवृष्टीमुळे शेतकरी देशोधडीला लागला असतांना शासनाने वेळकाढू धोरण राबविले आहे. शेतकऱ्यांना तात्काळ हेक्टरी मदत जाहीर करून कर्जमाफी करण्याची मागणी रेटत सोमवारी आढावा बैठकीला आलेल्या आदिवासी विकास मंत्री प्रा. अशोक उईके यांचा ताफा शिवसेना उद्धव बाळासाहेब ठाकरे पक्षाच्या कार्यकर्त्यांनी दहा मिनिटे अडवला होता. अखेर पोलिसांनी शिवसैनिकांना ताब्यात घेतले.Thackeray's Shiv Sena stopped Minister Ashok Uike's convoy

      संपुर्ण राज्यातील शेतकरी अतिवृष्टीमुळे बेहाल झाला आहे.  कर्ज काढून शेतात पेरलेले सोयाबीन जागीच सडले आहे. तर कापसाला कोंब फुटायला लागले आहे.  परिणामी शेतकऱ्यांच्या तोंडचा घास अस्मानी संकटाने हिसकावून घेतला आहे.  तर दुसरीकडे राज्यातील शेतकरी हवालदिल झाला असतांना सरकार निकष पंचनामे यातच अडकले आहे. शेतकऱ्यांचे कुटुंबे पुरते उद्धवस्त झाले असतांना राज्य सरकार शेतकऱ्यांना मदत करण्याचे सोडून आढावा बैठकी घेण्यात दंग आहे.  याचं सरकारच्या शेतकरी विरोधी धोरणांचा उद्रेक वणीमध्ये झाला. ठाकरेंच्या शिवसेनेचे जिल्हाप्रमुख संजय निखाडे यांच्या नेतृत्वात शिवसैनिकांनी स्थानिक बस स्थानक परिसरात आढावा बैठकीला आलेल्या आदिवासी विकास मंत्र्यांचा ताफा अडवत ओला दुष्काळ जाहीर करा. शेतकरी कर्जमाफी करा अशा घोषणा देत तब्बल दहा मिनिटे ताफा अडवून धरला होता.
शिवसैनिक पोलिसांच्या ताब्यात
आदिवासी विकास मंत्री अशोक उईके यांचा ताफा अडविल्यानंतर पोलिसांनी शिवसैनिकांना रोखण्याचा प्रयत्न केला पण उद्रेक वाढला होता.  अखेर पोलिसांनी शिवसैनिकांना ताब्यात घेतले होते.

सरकारला आढावा बैठका घेण्यासाठी वेळ आहे.

वणी विधानसभा क्षेत्रात शेतकऱ्यांचे बेहाल झाले आहे. शेतकरी पुरता संकटात असतांना मंत्र्यांना आढावा बैठकी घ्यायला वेळ आहे. पण शेतकऱ्यांना दिलासा देण्यासाठी वेळ नाही. सरकारने तात्काळ ओला दुष्काळ व कर्जमाफी जाहीर न केल्यास आंदोलनाची तीव्रता वाढण्याची शक्यता नाकारता येत नाही.  प्रसंगी वणी विधानसभेचे आमदार संजय देरकर सुद्धा सहभागी झाले होते. शेकडो शिवसैनिक आमदार देरकर यांच्यासोबत बैठक स्थळाकडे रवाना झाले होते.