रेल्वे कर्मचारी निवासस्थानात तरुणाचा मृत्यू

वणी :- (Sangini News) येथील रेल्वे कर्मचाऱ्यांच्या निवासस्थानात ४२ वर्षीय विवाहित तरुणाचा मृत्यू झाल्याची घटना १८ मार्च ला उघडकीस आली आहे.

शहरातील रेल्वे स्थानक परिसरातील रेल्वे प्रशासनाच्या कर्मचारी निवास स्थानात अतिष अशोक लाडे हा ४२ वर्षीय तरुण पत्नी व लहान बाळासह राहत होता. पत्नी व अतिष मध्ये नेहमीच वाद होत असल्याने त्यांचे कडाक्याचे भांडण होत होते. परिणामी सततच्या भांडणाला कंटाळून पत्नी आपल्या चिमुकल्या बाळाला घेऊन माहेरी राहायला गेली होती. अतिष रेल्वेच्या निवासस्थानी एकटाच राहत होता. Youth dies in railway staff accommodation
सोमवारी रात्री त्याला अस्वस्थ वाटू लागले. त्याने आपल्या आईला फोन करून याबाबत सांगितले, लागलीच आईने अतिष च्या पत्नीला फोन केला. परंतु तिने फोन उचलला नाही. त्यानंतर आईने अतिष च्या चुलत भावाला फोन करून माहिती दिली. अतिशच्या चुलत भावाने अतिशच्या पत्नीला फोन केला व अतिशची प्रकृती बिघडली असल्याची माहिती देताच अतिशच्या पत्नीने निवासस्थान गाठले असता अतिष निपचित खाटेवर मृत पडून असल्याचे दिसले.

या घटनेची माहिती वणी पोलिसांना देताच पोलिसांनी घटनास्थळी जाऊन पंचनामा करून अतिशचा मृतदेह वणीच्या ग्रामीण रुग्णालयात हलविला होता. पुढील तपास वणी पोलीस करीत आहे.